Gayana Resort的其中一個重頭戲是用船把早餐奉上，這個服務只有入住bayu villa的客人才能享有，住rumba villa的只能選擇room service或親移玉步到餐廳用膳，當然，住bayu villa的如果希望到餐廳享用早餐亦可。
起床了! 梳洗後馬上走出露台看看早餐船來了沒有~
這就是我們要等的船，可是.......我們看不到船上有食物!
而且等呀等，都等不到它靠岸!
我們惟有一邊等一邊玩~
再過了半個小時之後，我們才接到resort職員打來的電話說：「sorry......Low tide, can’t deliver breakfast by boat. By room service ok?」那只得回答ok了。數分鐘之後，就有職員拍門送早餐來。
早餐的份量簡直嚇我們一大跳!
我們原本把桌子放在露台，打算吃一頓無敵海景早餐，可是坐了十分鐘左右皮膚已經開始被猛烈的太陽曬得有點刺痛，我們只好把基地搬回室內繼續吃那頓豐富得有點嚇人的早餐。
到了差不多九點，就是時候出去餵大魚了。 (記得要在前一天問職員這個環節的確實時間，通常是在早上9點左右。)
魚棚位於resort對出的海中心，我們要坐幾分鐘小艇去才到。
主角 - 每條都是身長差不多一米的大魚!
之後，我們就延續昨天的水上娛樂，浮浮潛、游游泳、拍拍照、洗洗身，再整理一下行李，一眨眼就到了check-out的時間囉~ 謝謝職員的耐心，我們比原定的退房時間 – 12點晚了差不多一個小時才check-out，對不起啦......
這些在躲在大船底下的魚群是一個熱情的resort職員特別親自帶我們游去看的!
名叫KiKi的resort親善大使，摸牠也不怕被咬~
友人更從香港帶了一張私家浮床來~
check-out後我們先把行李暫存在酒店大堂，然後就去找吃的。昨天我們吃了中菜，今天就吃西餐吧~ 酒店的西餐廳位於infinity pool的旁邊，可以一邊吃一邊欣賞泳池+海景。
我們點了pizza，同行友人讚不絕口，忍不住再多點一個，每個約HK$80，價錢尚可接受。(我們看過這家餐廳的晚餐menu價錢貴大約20%)
吃飽以後，我們立即趕去餵大海龜，職員一再提醒我們餵海龜的時候要小心手指頭，同行友人就因為忙著跟大龜合照，就差一點遭殃......
之後我們把握時間參觀位於resort盡頭的海洋生態館(Marine ecology research centre)，這個生態館是由resort資助和營辦的，另外resort也資助一些專業人士對海洋進行保育和教育工作，這就說明了為什麼gayana的住宿費那麼貴的原因啦，聽起來蠻有意義吧~! 在海洋生態館裡面可以讓人摸海星、海參、參觀迷你水族館，也有一個迷你影院。離開前職員為我們放映一套片長大約十分鐘的關於拯救海洋生態的教育片，這是我們在gayana的最後一個節目了!
離開前再到處逛逛......
這是位於二樓的酒店電腦室+休息室，聽說在這裡看日出會很美，可惜我們4個都不能一大早起床來欣賞......
真正要離開這個夢幻島了，實在是想賴著不走......
沙巴好像不大流行給小費這個舉動，但是由於我們覺得gayana的服務實在是太好了，最後我們也忍不住給了替我們搬行李的職員一點小費，這可算是我們打從心底地滿意gayana resort的具體表現啊!
尾4張相唔錯﹗
回覆刪除我去2次沙巴都沒有留意 Gayana Resort 這個地方, 看來很正! 還有這麼多水上活動可以玩, 多謝你的介紹!
回覆刪除[版主回覆04/03/2010 05:15:00]那裡真的不錯啊，我和朋友都玩到捨不得離開~!
唔好意思, 想問清楚, 個名係唔係 Gayana Eco Resort? http://www.gayana-eco-resort.com/gayana_site/index.html
回覆刪除Thank you!!!
[版主回覆04/15/2010 22:45:00]對呀對呀，就是它了~! 看來你有興趣去喔!
Hi,
回覆刪除請問呢間酒店幾錢一晚? 小朋友可唔可以住(如未夠12歲)? 我知道有resort d房間係水上,未夠age係唔可以住? 呢間resort係咪要係沙巴再搭船去? 如一到達沙巴機場,再直接去得唔得? 或要係沙巴住一晚先? 呢間resort住幾多晚最好? 唔好意思, 要麻煩你回答我d問題, thanks.
[版主回覆05/28/2010 01:51:00]我那時候訂的價錢好像是港幣3千多一晚(詳細數目忘記了，價錢按房間計算而不是按人數)，如果訂rumba villa價錢大概是一半，即一千六百左右一晚吧。
從機場直接去也可以啊，不過還是要先去KK市的碼頭，再坐船過去。如果接近黃昏才下飛機再直接入住resort就好像不太划算了，因為這樣在resort裡玩的時間就少了半天，當然如果打算在裡面連住幾天則另作別論啦~ 所以我個人認為先在市中心住一晚，隔天才住resort會比較好~
我是透過一家叫做perfect holiday的travel agent幫忙訂房的，如果有需要可以給你agent的email，有什麼問題都可以叫他們幫忙向resort查詢，他們回email的速度蠻快的呢~
唔好意思, 忙記問你住邊種房呀?
回覆刪除[版主回覆05/28/2010 01:29:00]我住bayu villa，不知道中文是什麼呢?!
多謝你的回覆及資料. ^V^
回覆刪除hi,
回覆刪除麻煩你send "PERFECT HOLIDAY" e-mail 比我.
唔該晒.
[版主回覆05/31/2010 00:33:00]email: info@perfectholidaysborneo.com
contact person: Ferdinand (Operation Manager)
我之前跟他(Ferdinand)是用英文來溝通的，所以不知道他懂不懂中文，不過這家公司大部份職員都是會講會聽中文的，而且很多都是華僑，應該可以放心用中文發電郵向他們查詢。
多謝你d資料, 你好好人,仲好靚.
回覆刪除你好啊！見到你住 Gayana Eco Resort 依家我都有d心動去book, 想問一問 浮潛+獨木舟+infinity pool+海底世界 + 餵大魚+浮潛+海洋生態館+餵大海龜 ,etc...有冇時間指定時間gir??? 睇你影d相好靚！
回覆刪除[版主回覆07/29/2010 18:30:00]你以上所提及嘅活動，有d係有時間限制ga~
獨木舟 - 黃昏6點前
餵大魚 - 每朝大約9點
餵大龜 - 每日下晝大約3點
infinity pool - 冇記錯就係24小時開放嘅
海洋生態館 - 唔清楚開放時間，可能係朝九晚五
浮潛 - 如果自備用具的話就冇時間限制，但如果借浮潛用具就要黃昏6點前
HIHI.我10月去沙巴的,我BOOK左最後一晚住GAYANA,但第2天要坐2:00機,請問一下第2日12:00 CHECK OUT之後都可以 餵大龜?謝謝.
回覆刪除[版主回覆08/02/2010 23:10:00]你好! 你坐下午2點機? 即是那天12點半前要到機場check-in，11點至11點半前離開gayana......應該沒有時間餵大龜了......不如你入住gayana當天早點坐船入去，然後下午抽時間去餵啦，因為餵大龜一天只有一次，通常是在3點左右~ (唔知現在餵大龜的schedule有冇變，可嘗試email給職員問問~)
hi, 請問你through Perfect Holidays 去book GAYANA 時候, 係唔係要full payment 先??? Through HSBC Account???
回覆刪除[版主回覆08/05/2010 16:32:00]perfect holiday原本要我出發前俾總數一半(港幣)去佢地個香港戶口，但佢提供個rate好差，我唔肯，deal完後佢提議落訂，方法係我先將一半錢(港幣)入落佢呢個account度，個價錢都係用返佢個rate計，不過呢筆錢唔係俾佢，而係當係落訂hold住間房。去到當地我全數用馬幣找數。等到返香港之後，佢地就會將我之前入落佢地account果筆錢過返落我戶口。
其實全個過程都係講個「信」字，但我見之前有人上網分享一樣嘅情況，最後都成功收得番d錢，而佢地又係一間大公司，斷估唔會為左呃我地居居幾千蚊而破壞自己嘅信譽，所以我同朋友們商量後就決定姑且搏一搏! 好彩，最後我都係一樣成功收得番晒d訂金。
Thanks.....at last I full pay lar...because Veronica said this is the new policy of Gayana....
回覆刪除But, I paid last wednesday, and now still waiting for there hotel voucher lar...
don't know what's happen...?!
hello, 見你用果d 浮潛用具都好新淨, 係自己帶去定係resort 提供ga?
回覆刪除仲想問問果度d水大約有幾多米深ga? 係咪浮潛已經可以睇得好清楚?
[版主回覆08/29/2010 01:47:00]我同個女仔fd嘅浮潛用具係自己帶去ga，男士們果d就係免費向gayana租嘅~
d水幾深? 普通一個海咁囉，游得越出越深啦......唔識形容喎......不過基本上浮潛已經可以睇得好清楚，尤其是潮退果陣，villa對出海底嘅珊瑚礁石同海面距離好近ga咋! 可以見到好多魚~
你好~~ 我打算都去沙巴住呢間酒店, 見到你啲相更加覺得間酒店好正!!請問 Perfect Holidays 有冇 website 架? 點樣confirm個booking? 同埋坐船去酒店要點安排? 酒店房包唔包架? 唔好意思咁多問題!! 謝謝!
回覆刪除[版主回覆09/15/2010 13:41:00]perfect holidays有website，不過個website得email同電話，冇其他野睇。有野問直接send email俾佢地就得。佢地覆email都好快手ga~
http://www.perfectholidaysborneo.com/
所有booking都係用email confirm ，抵埗交尾數後perfect holidays職員會俾張receipt你，你到時拎住張receipt去jesselton point碼頭gayana個專櫃show張receipt出黎就ok。
我thru perfect holidays book埋船，佢會俾個船期表你，再問你想搭邊班船出入。船飛要額外俾錢ga~ 房價唔包。
你好呀~我都book左下年2月2日住GAYANA RESORT ,我都係BOOK左OCEAN VIEW 我想問出面D海水深唔深架?
回覆刪除有冇得睇日出OR日落架??
可以做個BLOG友嗎??
[版主回覆10/11/2010 22:00:00]d水都唔算太深，但要睇下果陣係潮漲定潮退。我記得潮退果陣由水上屋對外行出80至100米左右，水深都先至係去到條腰~ 而潮漲果陣行出20幾步就掂唔到地了!
我果陣掛住玩同訓，日出日落都冇睇到呀.....哈~ 不過據聞係睇到日出嘅，響resort個位於二樓嘅resting area睇會最好view。
當然可以做blog友啦，add左你了!
我E-mail去Book,佢覆我入數落匯豐 Name : CHIN SHUK KUAN嘅戶口,真的嗎？？
回覆刪除[版主回覆05/22/2011 20:36:00]係呀，perfect holiday果陣都係叫我將deposit入落呢個戶口~
hey, 我係準備10月底去gayana honeymoon住一晚呀, upgrade左去bayu ocean view, 初時都有d擔心..唔知呢個villa係咪真係有樓梯架? 係咪有人坐船送早餐黎架? 係咪可以免費借用gayana浮潛用具, 隨時自己跳落水玩架? 我得152cm, 會唔會樓梯行落水未到樓梯底就浸C我架?.....哈哈, 勁多擔心! ^^" 見到你d相同行程, 真係放左心頭大大大石了!!! 我想八卦問下你呀 - 借用既浮潛用具會唔會舊/唔太乾淨咁架? - 需要預先check-in時就同concierge講要借用嗎? 借完係咪一路放係自己villa架? (照計係吧, 咁先可以隨時落水嘛... ^^") - 餵大魚/海龜個d, 餵幾耐架? - 因為我好易暈車浪/船浪/的士浪/地鐵浪... ^^" 想問下, 係咪會成日都需要搭船出出入入架? - 最想問既係: 由你從KK碼頭去到gaya island後, 係咪徙腳行去自己villa? 離concierge/餐廳/其他活動地點遠嗎? 非常謝謝你呀!! ^0^ 另外, 因我好少係yahoo blog留言, 唔知如果你覆左我, 佢有冇auto-email話我知叫我check, 所以如果你唔介意既, 可以直接覆我email呀: donnaho7@yahoo.com.hk many thx!!!
回覆刪除想請問BAYU VILLA係咪有兩間房可以住四個人? THX~
回覆刪除[版主回覆08/24/2012 20:11:02]我住果間係冇房的，但有一張雙人床加一張梳化床。聽聞而家新起左d大間嘅villa，就可能有兩間房，不過詳情我就唔清楚了......